Un crot e une moscje cuintri il Coronavirus
Il progjet educatîf ”Free&Ulli e lis besteatis” – metût adun de ARLeF cu la colaborazion de Protezion Civîl – al cres ancjemò e al rive intes scuelis furlanis. Dopo dal carton animât (mandât fûr sui socials e a disposizion sul canâl YouTube de ARLeF) e de schede a fumets (dade fûr intai tai centris estîfs comunâi), cumò e je la volte di un poster, che propit in chescj dîs al è stât mandât a dutis lis scuelis primariis e de infanzie, par che al sedi picjât in ogni aule e intai coridôrs dai istitûts. E cussì, lant daûr dal esempli dal crot Free e de moscje Ulli, che si lavin lis mans su la ande de innomenade naine Ursule parussule, i fruts a impararan cemût parâ vie lis “besteatis” in maniere sigure e simpatiche.
«O vin volût meti il poster a disposizion di dutis lis classis dal teritori di lenghe furlane – al sclarìs il president de ARLeF, Eros Cisilino – sigûrs che, une volte picjât inte aule e cu la colaborazion dai insegnants, al deventarà un bon supuart ludic e didatic pe educazion ae salût dai plui piçui. O vin vût za tantis rispuestis positivis a cheste campagne di educazion, parcè che e je un bon imprest par usâ i fruts a compuartaments corets. La promozion de salût par mieç de lenghe furlane e je un des ativitâts specifichis metudis in vore de ARLeF dal principi de emergjence sanitarie, in colaborazion strente cu la Protezion Civîl e cu la Direzion Salût de Regjon».
Free & Ulli – che i fruts a àn imparât a cognossi ancje par vie de trasmission televisive “Maman!” (in onde ogni vinars aes 18.30 su Telefriuli) – a nassin de fantasie de ilustradore Patrizia Geremia e a son i protagoniscj des storiis di une golaine di libris publicade de Futura Edizioni di San Vît dal Tiliment.
IN ITALIANO
Il progetto educativo ”Free&Ulli e lis besteatis”, realizzato dall’ARLeF in collaborazione con la Protezione Civile, cresce ancora e raggiunge le scuole friulane. Dopo il cartone animato (pubblicato sui social e disponibile sul canale YouTube dell’ARLeF) e la scheda a fumetti (distribuita nei centri estivi comunali), è ora la volta del poster, che proprio in questi giorni è stato recapitato a tutte le scuole primarie e dell’infanzia, affinché venga affisso in ogni aula e nei corridoi dell’istituto. In questo modo, seguendo l’esempio della rana Free e della mosca Ulli, che si lavano le mani al ritmo della nota filastrocca Ursule parussule, i bambini impareranno a scacciare le “bestiacce” in modo sicuro e divertente.
«Abbiamo voluto mettere il poster a disposizione di tutte le classi di lingua friulana del territorio – spiega il presidente dell’ARLeF, Eros Cisilino – nella certezza che una volta appeso in aula, e grazie alla collaborazione degli insegnanti, esso possa rappresentare un utile supporto ludico e didattico nell’educazione alla salute dei più piccoli. Abbiamo già ricevuto molti riscontri positivi a questa campagna educativa, perché rappresenta uno strumento efficace nell’incoraggiare i bambini ad assimilare molte abitudini corrette. La promozione della salute per mezzo della lingua friulana è uno degli interventi specifici su cui ARLeF si sta adoperando attivamente fin dall’inizio dell’emergenza sanitaria, in stretta collaborazione con la Protezione Civile e la Direzione Salute della Regione».
Free & Ulli – che i bambini hanno imparato ad amare anche attraverso la trasmissione televisiva Maman! (in onda ogni venerdì alle 18.30 su Telefriuli) – nascono dalla fantasia dell’illustratrice Patrizia Geremia e animano le vicende della collana di libri edita da Futura Edizioni di San Vito al Tagliamento.